ЕРТІС ИСАЙЫНҰЛЫ ТӘТИЕВ 1957 жылы Семей облысы Абай ауданы Саржал ауылында дүниеге келді. Мектепте оқып жүрген бала күнінен Ертіс қолданбалы өнерге қызығушылығын байқатқан еді. Ол сурет салумен қатар, ат әбзелдерін жасауға, ағаштан тұтыну бұйымдарын шығаруға әуес болатын. Ертістің шынайы өнерге ден қоюы Семейдің Н.К.Крупская атындағы педагогикалық институтының көркемсурет графика факультетінде оқыған жылдардан басталды. Институтта ұстаздық ететін өнер шеберлерінің шығармашылық табыстарына қызығушылық, олардың шеберханаларындағы болып, өнер жолдарын зерттеу болашақ шебердің шабыты мен ынтасын арттыра түскені табиғи шарт еді. 1985 жылы Ұлы Отан соғысының Жеңісінің 40 жылдығына арналған Саржал ауылындағы «Белгісіз солдат» ескерткіші, 1989 жыты Қасқабұлақ ауылында орнатылға. Ұлы Отан соғысына арналған «Белгісіз солдат» ескертіші, 1998 жылы жасалған «Саржал ауылы шежіресі», «Еңбек даңқы» аллеясы талмай ізденіс, қажымай еңбек етіп, тер төгу нәтижесі еді. Бұдан кейін де Ертіс кесек-кесек жобаларды ойластырып,шығармашылық шешімдер, жаңа туындылар жасай білді. Солардың ішіндегі сәтті жобалар — Абыралы өңірінен шыққан талантты, біртуар қазақ ақыны Төлеужан Исмайловтың 60 жылдық мерейтойына арналған Таңат ауылында мазар зиратты қалап шығудағы шеберлігі халық көңілінен шықты.
Сол сияқты Саржал ауылындағы ауыл кәсіпкері Нұрсамат Есенғарин мырзаның тапсырысымен қазақи ою- өрнекпен өрнектелген, қабырғаларына Құран-Кәрімнен үзінділер жазылған мешіт ғимараты да Ертістің өнер туындысы.
Осы тәрізді сауапты ғимараттар 1998 жылы Ақбұлақ кеңшарында Сеңкібай қажыға арналған мазар (биікігі 9 метр, ені мен көлденеңі 5х5 метр) ғимараты халықтың көңілінен шықты. 1999 жылы Қайнар елді мекеніндегі халыққа танымал емші Сақайып қожаға арналаған мазар құрлысында Ертіс үлкен шеберлігімен осындағы қос күмбезді мазар бүгінде күнге шағылысып тұр. Мазар сырты Маңғыстаудың ақ тасымен өрнектелген. Мазар құрлысынан өзіндік ерекшелігі бар қас шебердің қолы екендігі даусыз көрініп тұр. Қазір Ертіс Исайынұлы Саржал ауылындағы Ш.Токжігітов атындағы мектебінде еңбек инструкторы, сурет сызу пәнінің оқытушысы. Оқушылармен жасалған қазақ үйдің ағаш макеті көздің жауын алады.
Керегелері құралып, уықтары жіппен байланған диаметрі Іметр, биіктігі 60 см болатын макет тура негізгі қазақ үйінің кішкентай нұсқасы Ал мектеп ішін безендіру жұмысындағы Ертістің еңбегі орасан зор.
Пән кабинеттері, залдар, мәжіліс залы, спорт залы -бәрінде де Ертістің қол таңбасы. Жас жеткіншектерге халық қолөнерін үйрету – ұстаздың алға қойған ең негізгі мақсаты. Ер тұрман жасау, домбыра жасау, сандық кебеже жасау еңбек сабағына оқу үрдісіне айналған. Өнер қуған ұстаз үнемі өзінің біліміні жетілдіріп отырады. Соның бірі іргелі нәтижесі 2013 жылғы Кембирдж университеті ұйымдастырған «Қазақстан Республикасы педагог кадрларының біліктілігін арттырудың деңгейлі бағдарламалары аясында бірінші (ілгері) деңгей» бағдарламасы бойынша курсын аяқтап, сертификат алды. Мектепте академиялық топ құрып шеберлік сабақтарын үйретіп жүрген тәлімгер ұстаз. Ұстаз-суретші үлгілі сабақ, тәлімді тәрбие берумен қатар, бейнелеу өнерінің аса қиын да, қызықты түрі мүсін өнерін қасына серік етті. 2012 жылы Төлеужан Исмайловтың 80 жылдығында ақынның Қайнар ауылында мүсінін жасап, халық ризашылығын алса, 2013 жылы Абай ауданы орталығына, аудан басшылығы өтініші бойынша Семей қаласының Шәкәрім университетіндегі ақын-философтың белгілі мүсінші Мұратбек Жанболатов жасаған бейнелік туындысының көшірмесін жасап, орнатты.
2014 жылы Абай ауданының тапсырысымен «Еңлік-Кебек» мүсінінің композициялық образдық бейнесін шығарды. Аталған шығарма сонау замандардағы қос ғашықтың арман-тілектері мен мәңгілік өшпес сезімдерін паш еткендей ерекше көңілмен көрерменін баурап алды. Сонымен бірге үйлесімді мүсіннің бір ерекшелігі шығармадағы-елік. Ол да суретші-ұстаздың ізденістік, шырамашылық тақпырлығы болатын. Айтулы композиция Еңлік- Кебек ескерткіші жанында орнатылып, кешендік құрамды әдемі толықтыра түсті. Ұстаздың көркем шығармаларының қатарында 2016 жылы Жарма ауданы, Қалбатау орталығына халқымыздың дана, данышпаны Абай атамыздың қалыптасуында ерекше рөл атқарған Зере (Тоқбала) әжеміздің, 2017 жылы халық ақыны Қалихан Алтынбаевтың мүсіндері болып табылады. Қазақ халқына аса қымбат ана образының табиғи шынайылығы, немересін ерекше жақсы көретін әже мейірімінің ғажап бейнеленуі шебердің шығармашылық шарықтау биігінде екендігін көрсетсе, ерекше шығармашылық шабыт үстіндегі айтыскер ақынның келбетін дөп басып, тамаша көркемдеуі мүсіншінің толысқан дарын иесі екендігін айқыштайды. «Шәкіртсіз ұстаз тұл» дегендей, бүгінде Рахат Берікболов, Әлем Мұқанов, Архат Қорғанбаев, Талғат Абжатов, Айдын Құсайынов және балалары Еркебұлан мен Марал Тәтиевтер сияқты Ертістің жолын қуған шәкірттері әр жерде еңбек етіп, халқын қуантуда.
Т. Жылысбай