АХМЕТ ХАФИЗҰЛЫ МАТАЕВ, 4 сәуір 1957 жылы Семей облысы Бесқарағай ауданы Беген ауылында дүниеге келіп бір жасынын бастап Абай ауданы Саржал ауылында атасы Ыбырай Матаев («Абай мұғалім») пен Бибісара апасының қолында тәрбиеленген. 1964 жылы Саржал орта мектебіне барып 1974 жылы тәмәмдап шықты.
1979 жылы Семейдегі ет және сүт өнеркәсібі технология институтының механика факультетін тәмамдап, Еңбек Қызыл Ту орденді М.И.Калинин атындағы Семей ет-консерві комбинатында механик болып жұмыс істейді.
1979- 1981 жылдары Совет Армиясы қатарында әскери қызметте, 1981- 1984 жылдары Семей технология институтының ассистенті.
1984-2006 жылдары Қазақстан Республикасы Мемлекеттік және Ұлттық қауіпсіздік органдары қатарында оперативтік және басшылық лауазымдары қызметтерін атқарды. 2006 жылдан бастап әскери зейнеткер. Әскери шені полковник.
Ахмет Хафизович 2006- 2012 жылдары «Қазақтелеком» АҚ Маңғыстау облыстық телекоммуникациялар дирекциясында қауіпсіздік қызметінің (басшысы қызметін атқарды. 2010-2012 жылдары ҰҚК Маңғыстау облыстық Департаменті бойынша ұлттық қауіпсіздік комитеті ардагерлер кеңесінің төрағасы. 2012 жылдан осы кезеңге дейін ШҚО Бородулиха ауданындағы Жауапкершлігі шектеулі серіктестігі «Новая Заря» Шаруа қожалығының атқарушы басшысы болып қызмет істейді. Аталған серіктестік Шығыс Қазақстан облысындағы алдыңғы қатарлы ірі шаруашылықтардың бірі. Кәсіпорын егін және сүт бағытындағы мал шаруашалағымен шұғылданады. Аталған кәсіпорын 2015 жылы бизнестің кіші және орта кәсіптегі шаруашылықтарының арасында Шығыс Қазақстан о6лысы бойынша бірінші орынға ие болып, халықаралық форумда «Сала көшбасшысы - 2015» («Лидер отрасли-2015») атағымен марапатталды. 2016 жылы Бизнестің әлеуметтік жауапкершілігі жөніндегі «Парыз-2016» конкурсында, бизнестің кіші және орта кәсіпорын субьектілерінің арасында Қазақстан республикасы бойынша бірінші орынға ие болып, Елбасының қолынан «Әлеуметтік жауапкершілігі үздік кәсіпорын» Дипломымен марапатталды. А.Х. Матаев ел алдындағы еңбегі жоғары бағаланған азамат, бірнеше марапаттың иегері. Оның ішінде «Экономика мақтанышы», «Кедендік Одақ мемлекеттерінің құрметті азаматы» ордендерімен марапатталған.
Кейіннен «Семейагроинвест» ЖШС директордың орынбасары қызметін атқарды. Қазіргі уақытта ҚР ҰҚК Абай облысы бойынша Департаменті ардагерлері кеңесінің төрағасы.