Әзіл – қалжыңы жарасымды ұлағатты ұстаз.
Мамырхан Тоққарин 1922 жылы 14 — мамырда Семей облысы Абай ауданында дүниеге келген. Қарауылдағы орта мектептің жетіжылдық бөлімінен кейін Семейден педагогикалық училицені бітіріп, 1947 жылы Алматыдағы Қазақтың Мемлекеттік Университетінің филология факультетіне оқуға түседі.
Жазушы, ғалым Мұхтар Әуезов, әдебиет зерттеуші, филология ғылымдарының докторлары Ханғали Сүйіншәлиев, Бейсенбай Кенжебаев, тіл білімінің академиктері Смет Кеңесбаев, Нығмет Сауранбаевтардан лекция тыңдап, дәріс алған ол білім кенінен мейілінше сусындап, өмірлік азыққа рухани қоржынын толтырумен бірге ғұлама ұстаздардың өсиет- өнегесін көкейіне түйе білді.
Мамырхан Тоққарин алғашқы еңбек жолын Аякөз өңірі қазақтың лиро-эпостық жыр тарихының отаны жерінен бастайды. Таңсық стансасына таяу, Аякөз өзеннің он жағалауында Қозы Көрпеш — Баян Сұлу қабіріне тұрғызылған шошақ күмбезді мазар шамамен 16 — 18 ғ. тұрғызылған көне тарихи ескерткіш. Мамырхан осы тарихи мұра туралы әдебиет сабағында оқушыларға эпостық жыр такырыбына байланысты ескі салт-сананың зардаптарына қорлаңған мөлдір махаббат иелері жайынан сыр шертіп, оны ауыл өмірімен байланыстырады. Оқушылармен бір күндік сапарға шығып Қозы Көрпеш — Баян Сұлу ескерткішінің басында әдеби-монтажды экскурсиялық сабақ өткізіп, ескерткіш жанында тас мүсіндер болғаны туралы айтады. Сол тас мүсіндерді Шоқан Уәлиханов қағаз бетіне түсіргенін, халық аңызындағы үш әйелдің бірі — Баян Сұлу, екіншісі — сіңілісі Айғыз, үшіншісі — апасы, ал ер адам — Қозы делнетінін баяндай келіп, қазір сендер мен айтып тұрған тас мүсінді көріп тұрған жоқсындар, олар жоғалған, бізге қазір оның жоғалуы белгісіз дегенді айтады.
Мамырхан ұстаздың педагогтік шеберлігі мен басқару ісіндегі табыстары Абай ауданы мектептерінде билік тізгінін 35 жыл қолында ұстау кезінде айшықтала түсті.
Абай орта мектебі мен аудандық Оқу бөлімін басқарға кездегі 4 жыл, М. Әуезов орта мектебін 10 жыл, Саржал орта мектебін 20 жыл басқарудағы іс — тәжірибелері Облыстық, Республикалық көлемдегі оқулар мен конференцияларда, методикалық бірлестіктерде талқыланып, озат тәжірибе ретінде талқыланды.
Саржал орта мектебінде директорлық қызметке кіріскен күннен бстап, жаңа жобадағы мектеп салуды жоғағы орындар алдына қойып, шешімін табуға жетісті.
Семей облысы бойынша 1978 жылы Саржал мектебінде «Кабинеттік жүйеде оқытудың жағдайы мен тиімділігі», — деген тақырыпта өткен семинар — кеңес саржалдық ұстаздар еңбегінің аудан көлеміндегі салмағын ғана көрсетіп қоймады, Республика көлемінде Абай ауданы халық ағарту саласы Бүкілодақтық Социалистік жарыстың жеңімпазы атағы мен ауыспалы Қызыл Ту алуына қомақты үлес қосқаны атап көрсетілді.
Мектептің озаттары қатарындағы Б. Елшібаева, А. Жанғазиева, Б. Үдербаева, Б.Биғалиева, Н. Жакупов, Ш. Қапсалямов, Ж. Дәрібаев, Қ. Қадыров, Қорлан, Қайырбек, Қайырғазы Дүрмекбаевтар аудан, облыс көлемінде танымал, іскер де үздіктер қатарына қосылып, марапаттаулар мен заттай сыйлықар алып, мектеп абройын биіктете түсті.
Ұстаздардың ұстазы болған Мамырхан Тоққарин оқу — тәрбие ісіндегі қызыметі үшін «Ерен еңбегі үшін» медалімен, Қазақстан Республикасы халық ағарту ісі мен ҚСРО- ның үздігі төс белгісімен марапатталды. Оқу — тәрбие ісінің майталман шебері, іскер басшы құрметіне ие болды.
Ұлағатты ұстаз Мамырхан Сәбенмен 44 жыл қол ұстасып мектеп өмірімен етене араласып, ұстаздықтың ыстық — суығына қайрат жігерлерін қатар жүріп жұмсаған жұбайлар. 8 баладан 23 немере, 10- нан астам шөберенің ата — әжесі.