СЕЙФОЛЛА ҒИЗАТОЛЛАҰЛЫ РАХЫМБАЕВ 1957 жылы Қарауыл ауылында туған. 1964-1974 жылдары / (Саржал орта мектебінде оқыған. | (Семей/| зоотехникалық- малдәрігерлік институтын және Семей қаржы — экономикалық техникумын бітірген. 1979-1983 жылдары Тельман атындағы совхозда ферма зоотехнигі, селекционер-зоотехник. 1983-1992 жылдары Абай аудандық ауыл шаруашылығы басқармасының бас зоотехнигі. 1993-1995 жылдары аудандық статистика бөлімінің бастығы. 1995-1999 жылдары Абай ауданы әкімінің ауыл шаруашылығы жөніндегі орынбасары, әлеуметтік және экономикалық мәселелер жөніндегі бірінші орынбасары қызметін атқарды.1999 жылдан жеке кәсіпкерлікпен шұғылданады — «Ескене» шаруа қожалығының жетекшісі. Сейфолла Рахымбаев өмірдің ашы-тұшысын бір адамдай көріп, оны қажырлылықпен жеңе білген, «жеңілдің асты, ауырдың үстімен» жүруді өзіне ар санайтын ауданымыздың айтулы азаматтарының бірі. Бірнеше жоғары орындарда лауазымды қызметтер атқарып, аудан экономикасы мен мал шаруашылығының өсіп, өркендеуіне Лайықты үлес қосты. Бұл күнде халық зердесінен ұмыт бола бастағанмен оның Абай аудандық әкімінің бірінші орынбасары қызметінде жүрген кездеріндегі атқарған істері айтарлықтай. Бұл тұс – Семей облысының таратылған кезі, халықтың зейнетақы, еңбекақы, жәрдемақы сияқты ауадай қажет қаражаттарының бірнеше айға созылып, алынбай, арыз- шағымдардың азаймай тұрған мезгілі болатын. Тумысында бірбеткей, жағынып, жалтақтауды білмейтін, біркүндік наны үшін, ертеңгі ел ырысын айырбастап жіберуді өзіне өлім санайтын С.Рахымбаев жаңа облыстың басшыларымен екі тілде бірдей, тең дәрежеде принципті жұмыс жүргізді. Соның нәтижесінде халық наразылығы тоқтап, ауданда қалыпты жұмыс ырғағы қалыптасты. Елдің әлеуметтік дәрежесі көтерілді.
Айдарханұлы Қуанышбай, ғалым